Innlegg

Lagt ut

Fjordastafett 2025

Vinnarar av vaksenstafetten. Severin Schreijer, Roy Meek, Torleif Linge Dale, Hedda Schreijer og Ea Schreijer.

Laurdag 10.mai arrangerte Norddal Idrettslag Fjordstafetten. Heile 14 lag med utøvarar frå Eidsdal Idrottslag, Valldal Idrettslag, og Norddal Idrettslag kjempa passelig høgtideleg om heder og ære i denne tradisjonsrike stafetten.

Framifrå stemning og strålande sol frå start til slutt.

I barnestafetten gjorde VIL reint bord. 1.plass og vandrepokal til andrelaget, 2.plass til førstelaget og 3.plass til tredjelaget. Utøvarar frå NIL og EIL annakvar hakk i hæl.

Førstelaget frå NIL stakk av med 1.plass og vandrepokalen (i år igjen! – er det blitt tradisjon?) i vaksenstafetten. 2.plass til VIL sitt førstelag og 3.plass til VIL sitt andrelag.

EIL stilte med heile 3 lag i vaksenstafetten! Dette bør være til inspirasjon i oppkjøringa til neste år!

Norddal Idrettslag takkar for godt frammøte , og utfordrar Geiranger Idrettslag og Stordal Idrettslag til å stille med lag neste år.

Fjordstafetten skal etter oppsett plan arrangerast av Stordal Idrettslag i 2026

Lagt ut

WoW – Fjordstafetten 2024 !!

Flott arrangert av EIL på Langereiten stadion i Eidsdal, i STRÅLANDAS sol og HEILt nydelig Maidag.

NIL stilte med eit barnelag, og heile TO mixa lag, noko som er veldig kjekt at vi klarer å stille så sterkt og at alle vil være med delta. Ingenting er bedre enn det.

I år som ifjor, fekk NIL ta med vandrepokalen heim til bygda igjen. Så den blir å sjå på buda, til neste Fjordstafett i 2025 som då skal bli arrangert i bygda vår Norddal. Dette ser vi fram til, å kunne endeleg få arrangere Fjordstafetten i Norddal. Dei fire gutane som stilte på barnelaget kom på ein glimrande 3. plass, kjekt å heie dei fram til målstreken. Veldig flinke!

Tusen takk for alle deltakarar, og RÅTT utført av alle sammen. Kjempekjekt å fylgje dokke på etappane dykkar.

GRATULERER til alle som deltok både i NIL – EIL – VIL, veldig kjekt. Legger ved eit lite bildedryss fra ein strålandas og varm dag på Langereiten Stadion i Eidsdal.

Lag 1: Andrea Dalhus, Randi Løndal, Nicolai Karvinen, Kjetil L.Dale & Ole Martin Bjørneberg.
Flott gjeng!!
Lag 2: Ole Magnus Melchior, Niek Schreijer , Torleif L.Dale, Ea og Hedda Schreijer.
Kjetil L. Dale kjem i full speed over målstreken.
Barnelaget klar ved målstart.
Bra jobba Severin og Nathaniel.
Liam Relling kom seg kjapt over målstreken.
Severin Schreijer tok imot velfortjente medaljer for heile laget. Kjempestas!
Lagt ut

Årets første ENG – CUP 2024

Tradisjonen tru så var det Andersgarden rundt i Eidsdal, som var første løp ut. Ein stabil bande frå NIL gjennomførte med god stil.

Veldig kjekk dag.

Alle er mega spente før start.
Kjekt med mange deltakarar.
Spreke jenter fra NIL og EIL.
Petter Melchior i fullt driv med barnebarnet Martinus.
Lagt ut

Hjerte – lungeredning kurs

12 medlemmar av Norddal Idrettslag fekk ein dag i April ei god opplæring i hjerte – og lungeredning, med innføring i bruk av hjertestarter. Tusen takk til Maria og trine for formidling av livsviktig kunnskap på ein perfekt måte.

Takk også til alle dei oppmøtte, det gir mersmak til å arrangere andre kurs og arrangement også.